اتقفشت وانا بأكلها

اخدتها فى الخباثة ..

ودخلت اوضتى ..

وبصيت كويس حد في الاوضة ولا لأ ..

وطلعتها ..

وقاعدة مستمتعة ..

وباكلها ..

دخلت المفعوووووووووصة الصغيرة ..

ايييييييييييييييييييييه دا


















انتى بتاكلى مصااااااااااااااااااااااااااااااااصة ؟!!!

وطلعت الندلة فضحتنى فى العيلة كلها


انا بردو (( مابحرمش )) واقفة عند السوبر ماركت

عمالة الف وادور

واشترى فى حاجات

وفى حاجة واقفة فى زورى هاموت واقولها

عمو (( احم )) لو سمحت انا عايزة .......

عمو : عايزة ايه ؟؟

انا : عايزة ...... عايزة ... عايزة

عمو : (( لو كنت صغيرة شوية كان شخط فيا )) عايزة ايه يابنتى ؟؟

انا : عايزة ...


عايزة واحد بيبسى

و ..

واحد .. واحد بيبسى لو سمحت


عمو : حاضر
اخدت البيبسى وحاسبت ولسة واقفة

عمو : حاجة تانية ؟؟

انا : (( وتوكلت على الله ))


اه عايزة من دى (( بشاور على المصاصة ))

عمو ازبهل (( عارف انى اصغر واحدة فى بيتنا ومافيش عندنا ضيوف اولادهم صغيرين ))

سالنى بيكدب نفسه

عايزة ايه ؟؟


(( ايه ياعم يعنى لازم اقول مصاصة وانا طويلة كده ))

احم عايزة من دى


ايه ؟؟



عايزة مصاصة





دى مثال للمواقف المحرجة اللى بتحصلى

علشان عايزة امارس حقى الطبيعى فى اكل المصاصة

احنا بجد ناس غريبة اووووووووى

بنقعد نقول مافيش احلى من البراءة

مافيش احلى من الطفولة

وان الانسان يحتفظ ببراءة الطفولة وشقاوتها وهو كبير

ومع اول لحظة يبدأ فيها يعمل كده ..

يبقى كانه عمل مصيبة

الاغرب كمان ان لو واحد اتقفش وهو بياكل مصاصة

بيبقى منظره وحششششششششش اكنه اتقفش بسيحارة بانجو

على فكرة بقى











انا احتج







ومهما يحصل

هافضل امارس حقى الطبيعى فى اكل المصاصة